記得投票

筆者以前讀書見過一句，「你不去投票，就是讓別人幫你做決定」。你不碰政治，你不去投票，政治還是會找上你，投票結果還是會影響到你。既然如此何不參與呢？

有些人愛說政客只為選票，係架，所以今次選舉就是讓你選擇和影響政客的機會囉。如果你都不投票，不發聲，玩沉默，誰知道你想政客做甚麼。

而且在現今種票橫行的香港，你不去投票，話唔定真係有人已經幫你投左票架，所以真係要去投票呀。投一次票晒得你幾多時間？4年先一次，唔好咁懶啦。

接下來貼一條片，是美國專門做惡搞新聞的 the onion 網頁的片段，題目叫 (how to) "Pretend You Give A xxxx About The Election"。內容是扮成一個清談節目，主持人問專家，如果一個人是不關心和不認識政治的，如何扮成有認識呢，然後這位專家就教你幾句「萬能 key」來扮高深。即是諷刺那些愛講一些「懶高深」政治意見的 old seafood，其實往往就是最不理會和最不認識政治的人。

留意 caption "the less you know, the more you should pretend to know"

常見的「懶高深」意見包括：

「D政客都係咁衰」

「依家政治太多分化」

「香港已經好自由啦」

「我行中間路線」

caption "most people also know nothing so they won't question you"

不要做個政治冷感的人。當你見到中共不惜花大筆維穩費，又種票，又配票，又掌心雷，又動員乜乜社團，又動員中資機構，仲要逼D住大陸的人落黎投票，就應該睇到，其實選票真的是重要的。不要讓別人幫你做決定，去投票啦！