2018年9月12日

勿相信某些人

新聞說,林鄭出席路人皆知反中亂港罪大惡極唔死都冇用的香港電台的節目,談及「勿聽信某些人單方面的說話」,據報全句如下:「如果純粹只是聽某人今日出來講一件事、明日又出來講一件事,大家就一面倒去相信,而不是去看證據、看事實,恐怕對香港履行法治社會精神,並非合適做法。」筆者真是不能同意更多。現今香港通街騙徒,手法層出不窮,我們真的要小心聽其言觀其行,才不會上當。我想到以下一些例子,希望讀者們也保持警惕:


1. 八達通都唔識用,卻要帶頭發展高科技
2. 買廁紙都唔識,卻話自己體察民情
3. 成日講舊同事閒話、競選時舊同事個個幫對家,卻話係好領袖
4. 在香港冇物業,卻成日話要香港人人有屋住,解決房屋問題
5. 一邊告到你甩褲、捉晒你去坐監,一邊話要大和解
6. 劏房經營者,話要壓抑樓價
7. 僭建委員會主席,話唔知自己名下間間屋都有僭建
8. 只識炒賣同玩財技,卻話建築的事佢話OK就OK
9. 一方面話鉛水安全,一方面又話叫官員飲鉛水係侮辱
10. 搞到老豆間船公司差D破產、香港經濟差D崩潰,卻黎教你發展經濟
11. 10歲就收10皮生日利是,的人要教你點草錢
12. 揸外國護照、家人全在外國,卻叫人愛中國同返大陸
13. 曾宣誓效忠英女王,依家走去效忠中共
14. 叫人讀中國歷史,但唔包括文革六四
15. 一邊話撐警,一邊同黑社會行埋
16. 細路全部讀國際學校/外國讀書,叫人相信香港教育
17. 在法庭影相的執業律師、巴基斯坦大學畢業的博士
18. 北韓金日成大學經濟系畢業,走黎教你咩叫法治
19. 話有最低工資就會倒閉潮、有侍產假又會倒閉潮,但冇次中的預言家
20. 起左N個飄移、沉降、短鋼、超支、冇人用的大白象,仲話自己下次工程估算會岩
21. 年年財政預算都估錯,叫人信佢話第N年就會結構性財赤
22. 一邊話自由經濟市場競爭、年輕人淨係識申手攞錢,一邊R政府政策優惠/福利
23. 一邊話最討厭政治、唔好牽涉咁多政治,一邊成日講/從事政治
24. 成日批年輕人道德淪亡性開放云云,其實自己大把「紅顏知己」
25. (最新) 忽然走去關心三唔識七的阿婆阿伯健康的人

注:
3點:閒話例子有「檯面好乾淨」「得閒玩FB」等
4點:但在英國有物業
22點:例子包括1000蚊租3個高球場的地、反對開放的士牌/UBER、跪求大陸更多惠港措施
24點:「紅顏知己」係有錢人先叫得,冇錢人叫「叫雞」「包二奶」「負心漢」「淫蕩」「亂搞男女關係」