2011年1月19日

皇帝出巡

田大少又現身沙田關愛市民.

本來田皇帝同周梁郡主上一屆選舉失利要退位已經夠樣衰, 之後仲要新界土王劉皇叔率眾叛黨, 搞到要劉貴人頂上做扯線公仔, 我就諗住田家黨應該玩完啦, 竟然比佢得咁死唔斷氣, 依種履敗履戰的拼搏真係夠晒體現香港精神, 80後要好好向田大少學習.

而最近一心自以為有能力直選的田二親王竟然走左去痴埋葉劉 (仲要葉劉 肯比佢痴果下先神奇), 要田上皇再次親政, 搞到田家王朝人心惶惶, 劉貴人仲要人間蒸發, 咁奇怪的政黨政治又係夠晒香港特色.

家陣田上皇一親政又諗到用派叉飯依條比民建聯用到冇得再殘的舊橋, 真係 old bridge is so exciting. 其實皇帝見班蟻民咁慘走去開倉派米賑災就唔係怪事, 但既然佢都派得一次, 不如豪o的派魚翅撈飯派晒成副身家去啦, 到時仲窮過班蟻民, 就真係比人睇到阿上皇陛下佢點同大家共渡時艱啦.

沒有留言:

張貼留言