我信董建華，冇拉布香港有救！

眾所周知當年差點搞到老豆公司和香港破產，現在卻華麗轉身成政經界KOL的董建華，曾多次說香港的各種問題，包括GDP增長慢過深圳、政府搵地起樓困難、大型工程超支等問題，都是政治爭拗、立法拉布、議而不決、停滯不前所致。因此，根據「董建華理論」，筆者大膽預計，立法會修訂議了事規則，形同終結了拉布，明年香港可望：

- GDP增長8% (與深圳相若)
- 高鐵、港珠澳橋、機場三跑等大形工程不會再有一毫子的超支
- 公屋居屋建屋量增至一年4萬伙，再往後恢復每年8萬5的盛況
- 全港人工像90年代未有拉布時一樣，年年雙位增長
- 恆指像道指屢創新高，首先是4萬點

故此，大家記得奔相提示親友長輩 (尤其是支持修訂議事規則那些)，明年肯定有大茶飯食，千祈咪走雞，快點入市等食魚翅撈飯，那就功德無量，阿彌陀佛。

(ps 如果冇的話請問董建華點解，我唔係經濟專家，佢先係。董生講的一定岩，如果唔係新聞成日報道佢，建制派又成日提住佢黎做乜，係咪？所以我信董建華！)