開年飯之食住先

新年快樂。今天分享一個數日前發生在筆者身上的真實故事。(港語注意)

話說筆者跟親戚在年初二一起到酒樓吃開年飯，一坐下當然是拿餐牌看，可是看來看去都只有「新年特惠套餐」，問經理拿點心紙，經理卻說：「今年新年我地怕廚房整唔切，只係整套餐呀，你地揀住先啦。」親戚就說：「嘩，得四個餐揀，咁都得呀？」經理：「唔好意思呀，老闆話今年係咁安排架。」之後就走開了。我就跟親戚講：「冇計啦，依排興事先篩選嘛。」

迫於無奈，在四個被篩選過後的套餐中選了一個，就等飯菜上啦。第一碟來到，只有一堆菜和冬菇，親戚問侍應：「依碟咩黎架？個套餐有依樣架咩？」侍應看了單，說：「發財好市大利。」親戚：「唔係掛？得菜同冬菇喎！發財、好市、大利，三樣都冇喎？」侍應：「er......我叫經理過黎。」我又跟親戚講：「依排唔止興篩選，仲興假貨。」

如果故事是雷同巧合，我親戚是劉皇叔，這時候他就會以一句「籤文都說色即是空空即是色，大家食住先啦！」就完事了。但當然他不是劉皇叔，經理一來到就跟他抗議：「喂，發財好市大利，三樣都冇喎！算點先！」經理看到也貌似嚇了一跳：「都真係幾奇怪...我入去廚房問下佢地。」

經理很快就回來，說：「唔好意思呀，原來三樣都冇晒貨啦。」親戚：「嘩你咁都得......知唔知你貨不對辦，我可以去消委會投訴你地架？」經理：「一係咁丫，我幫你地換過碟，或者碟菜加料整大碟啲丫，好嘛？」親戚：「拿你係至好呀...」

其實一間酒樓，明知新年就弄這幾個套餐，怎麼可以年初二午市就賣光發財好市大利？我是想極都想不通，而最終都是沒有真貨發財好市大利，只是碟菜和冬菇多了一倍，不能說是個完美的結果，但只能說，如果說好了要來個a，來到的卻只是a貨，你都還肯「食住先」不去跟經理抗議，還要照比錢，就真的跟自己過意不去囉。