筆者昨日出完一篇短文之後，左思右想，越諗越覺得少梗啲嘢。名人拍片集氣，靠打氣講幾句加油，就可以各行各業市民無怨無悔，無視人工和時間和工作量，永恆咁工作下去。逆向思考，全港各行各業市民拍片集氣，靠打氣講幾句加油，係咪可都以令一眾名人同高官無怨無悔，無視人工和時間和工作量，永恆咁工作下去？
例如，下次譚詠麟開騷，大家一齊拍片為佢打氣，請佢加油努力工作，然後全部場口免費畀市民入場，得唔得？反正學佢係打氣片入面話齋，「人間有愛」丫嘛，唔係唔派愛畀市民咁無情吓話？
下次政府又有醜聞，無論係人工島飄移、鐵道工程造假、車站沉降，總之有事係令到超支，又要市民血汗錢冤枉去，大家應該拍片為主事官員和公司高層打氣，請佢地唔好灰心繼續努力，但同時為事件負責退還N年人工以表歉意。無償工作好濕碎，最緊要係你地有我地拍片支持打氣嘛，you can do it！
最後，如果可以全城公院醫護拍片集氣，為醫管局高層捐出一年薪金回饋前線打氣，豈不成一則美談？
沒有留言:
張貼留言