2018年5月28日

馬時亨係咩專家?

新聞報道,港鐵主席馬屎...馬時亨說港鐵不用就工程問題事事向傳媒披露,皆因記者都唔係專家,總之佢地(港鐵)話OK就OK。但據我記得其實馬時亨都唔係工程專家黎囉,點信佢好?

馬時亨的CV可以簡化為兩大工作,高官同ibanker,即係咩專家都唔係。還記得佢做高官發生仙股事件時講「檯面文件山咁高我點睇晒呀」(大意),即係認自己唔識啦 (btw好似成個政府咁多「專家」都冇人知發生咩事)。至於佢做ibanker係點我唔清楚,但我記得當年金融海嘯,美國國會問班ibanker堆金融產品係乜,佢地自己都唔知 (同仙股事件一樣)。所以做高官同ibanker,即係咩專家都唔係。

但無妨。香港地,特別係親中派,總之擺出一個專家款就得,冇人會質疑返佢地轉頭。好似楊潤雄咁,佢識教育咩?佢識歷史咩?佢D細路讀香港學校咩?總之出黎個款似專家咪得囉 (某程度上可能陳美齡真係專家過佢)。董建華係咩專家?生意失敗專家,而佢又可以成日出黎指教人搞經濟同政治。好鐘意教香港人法律果個李飛,其實係咩專家大家知唔知?根據維基,佢係「北京大學日語專業本科畢業」架。

到真係有專家回應啦,「(南生圍) 悶燒根本說不通」,佢地又會搬龍門唔同你講專家講第樣架啦,睇住黎啦。

沒有留言:

張貼留言